Өнөөдөр тохиож буй Олон улсын хөшөө дурсгалыг хамгаалах өдөрт зориулан Монгол Улсын Үндэсний Номын сан номын үзэсгэлэн гаргаж байна.
Хөшөө дурсгал, дурсгалт газрын Олон Улсын Зөвлөл нь 1965 онд байгуулагдсан, Парис хотод төвтэй Олон улсын төрийн бус байгууллага юм.
Манай улс 2003 онд Засгийн газар хоорондын байгууллага болох Соёлын үнэт зүйлсийг хадгалж хамгаалах, сэргээн засварлах Олон улсын судалгааны төв (ICCROM)-д элсэн орсон. Тус төвд элсэн орсноор соёлын эд зүйлс болон соёл, археологийн дурсгалт газар, хөшөө дурсгалуудыг хадгалж хамгаалах, сэргээн засварлах талаар Олон улсын хамтын нийгэмлэгтэй хамтран ажиллах боломж нээгдсэн.
2008 онд Дэлхийн өвийн хорооны зөвлөх байгууллагуудын нэг болох Хөшөө дурсгал, дурсгалт газрын Олон улсын зөвлөлийн /ICOMOS/ Монголын үндэсний хороог анх байгуулсан.
Хөшөө дурсгал бол тухайн хүн, түүхэн үйл явдлыг байнга санан дурсаж буй баталгаа, хүндэтгэн дээдэлж буйн илрэл, нөгөө талаас тухайн улс орон, бүс нутгийн соёл урлаг, амьдрахуйн хэвшил, оюун сэтгэлгээний хөгжлийн илэрхийлэл юм.
Үзэсгэлэнд дэлгэсэн дараах 5 номыг онцлон дэлгэрэнгүй танилцуулж байна.
