ОХУ-ын ерөнхийлөгчийн веб сайт мэдээлснээр Ерөнхийлөгч Владимир Путин бямба гарагт ОХУ 3-р сарын 15-наас хойш Европын хүний эрхийн шүүхээс гаргасан шийдвэрийг хэрэгжүүлэхээ зогсоох, мөн энэ шийдвэрийг Оросын шүүх хэргийг дахин хянан хэлэлцэх үндэслэл болгохгүй тухай хууль эрх зүйн баримт бичигт гарын үсэг зурсан байна.
ОХУ-ын хууль зүйн мэдээллийн цахим хуудсанд нийтэлсэн мэдээлэлд ОХУ гуравдугаар сарын 15-наас хойш Европын хүний эрхийн шүүхийн гаргасан шийдвэрийг хэрэгжүүлэхээ зогсоосон бөгөөд Европын хүний эрхийн шүүхийн шийдвэрийг цаашид Оросын холбогдох хэргийг дахин хянан шийдвэрлэх хууль зүйн үндэслэл болохгүй болсон юм. Түүнчлэн Оросын иргэдийн эрхийг хамгаалах үүднээс 2023 оны нэгдүгээр сарын 1-ээс өмнө ОХУ-ын Ерөнхий Прокурорын газар Европын Хүний эрхийн шүүхээс 2022 оны гуравдугаар сарын 16-наас өмнө гаргасан шийдвэрийн дагуу холбогдох өргөдөл гаргагчид нөхөн төлбөр олгох боломжтой хэвээр байна. Мөн тавдугаар сарын 18-нд ОХУ-ын Төрийн Дум гуравдугаар сарын 16-ны өдрөөс хойш Европын хүний эрхийн шүүхийн гаргасан шийдвэрийг ОХУ хэрэгжүүлэхгүй байх, мөн Европын хүний эрхийн шүүхийн гаргасан шийдвэрийг ОХУ-ын шүүхийн хэргийг дахин хянан хэлэлцэх үндэслэл болгохгүй байх тухай хоёр хуулийн төслийг анхны хэлэлцүүлгээр баталлаа. Хоёр дахь хэлэлцүүлгийн үеэр Думын гишүүдийн өргөн мэдүүлсэн нэмэлт өөрчлөлтийн дагуу гуравдугаар сарын 16-ны өдрийг ОХУ Европын комиссоос гарах өргөдлөө өгсөн өдөр, тухайлбал гуравдугаар сарын 15 болгон өөрчилжээ.