Бямба гарагт Эрээн хотод болсон тахал өвчнөөс урьдчилан сэргийлэх, тэмцэх талаар хийсэн хэвлэлийн бага хурлаас мэдээлснээр халдварын тохиолдол илэрсэний дараа Эрээн хотын Улаан загалмайн нийгэмлэг хандив хүлээн авах ажлыг эхлүүлж, хотын аж ахуйн нэгж, хувь хүн мөнгө төгрөг, эд материал хандивласан байна. Мөн өдрийн 17:00 цагийн байдлаар нийт 450 мянган юанийн хандив, 3 сая 180 мянган юанийн эд материалын нийт 3 сая 630 мянган юанийн хандивыг хүлээн авсан байна.
Эрээн хотод ирсэн тусламжийн эд материалд: Өвөр Монголын өөртөө засах орон, бусад аймгуудын Улаан загалмайн нийгэмлэгээс 420 мянган юань хандивласан бол аймаг, хотуудаас 2 сая юань, хошуу, сумаас 180 мянган юанийн эд материал хандивлажээ. Хүлээн авсан эдгээр хандивын эд материал нь КОВИД-19 халдвараас урьдчилан сэргийлж, хяналт тавихад шаардагдах эд материал байна. Хандивласан материалыг гаднаас ирсэн ажилтнууд, хөл хориотой хороолол, байгууллага нэгжийн ажилтнууд, сайн дурынханд тарааж эхэлжээ. 6-р сарын 10-ны өдрийн 00:00-24:00 цагийн байдлаар, Эрээн хотод халдварын 11 тохиолдол, шинж тэмдэггүй 24 тохиолдол бүртгэгдэж, одоогоор нийт 409 тохиолдол бүртгэгдсэн байна.
6-р сарын 11-ний өдрийн 0-24:00 цагийн байдлаар, Өвөр Монголын өөртөө засах оронд халдварын 78 шинэ тохиолдол бүртгэгдсэний 18 нь Улаанхад хотод, 60 нь Шилийнгол аймагт байлаа. Орон нутгийн шинж тэмдэггүй халдварын 8 тохиолдол бүртгэгдсэн бол бүгд Шилийнгол аймагт байлаа.
6-р сарын 11-ний өдрийн 24:00 цагийн байдлаар, Өвөр Монголын өөртөө засах оронд нийт 245 тохиолдол, үүнд Тунляо хотод 2, Улаанхад хотод 44, Шилийнгол аймагт 199 батлагдсан тохиолдол бүртгэгдээд байна. Орон нутгийн шинж тэмдэггүй 234 халдвар байгаагийн дотор Хөх хотод 4, Тунляод 2, Шилийнгол аймагт 227, Улаанцав хотод 1 халдвар байна. Эдгээр тохиолуудыг бүгд хөл хорионы дэглэмд хамруулж, зориулалтын эмнэлгүүдэд эмчлэн, ойрын хавьталтай бүх хүмүүсийг тусгай газарт эмнэлгийн ажиглалтад хамруулжээ.