2016 онд Энхтайваны гүүрний зүүн талд, Дунд гол урсдаг хэсгийн 11.8 га газарт “Азид хамгийн томд тооцогдох усан парк, спорт цогцолбор соёл амралтын хүрээлэн”-г барина хэмээн нийслэчүүдийг баярлуулж байсан билээ. Өвөл, зун, хавар, намрын аль ч улиралд Монголчууд яг л далайн эрэг дээр байгаа мэт амарч, сёрфинг хийх боломжтой гэх сурталчилж байсан тус усан парк 2020 онд ашиглалтад орох ёстой байв.
“M&G” констракшн усан парк барина гэж авсан тус газарт 25 давхар орон сууцны хороолол баригдаж, захиалгаа аваад эхэлсэн.
Тэгвэл өчигдөр орой прокурорын байгууллагаас хэрэг үүсгэж Усан Парк төслийн үйл ажиллагааг зогсоосон байна. Улмаар МХЕГ-тай хамтран хэрэг зөрчлийг шалгаж эхэлжээ.