Олимпын аварга Н.Түвшинбаярт холбогдох шүүх хурал өчигдөр 09.00 цагаас эхлэн хуралдсан билээ. Шүүх хуралдаан ажлын цаг дууссан тул завсарлаж, өнөөдөр 09.30 цагаас үргэлжлүүлэн хуралдахаар болсон юм.
Өчигдөр 12 гэрчээс мэдүүлэг авч, нотлох баримтыг шинжлэн судалсан байна. Шүүгдэгчийн өмгөөлөгч Л.Данзанноров “Хохирогчийн талд өмнө нь нөхөн төлсөн төлбөр дээр нэмж 363 сая төгрөг олгосон. Мөн Н.Түвшинбаярын гэр бүлийн шууд захиран зарцуулах эрхтэй хоёр үл хөдлөх хөрөнгийг хохирогчийн талд дахин нөхөн төлбөр болгон шилжүүлэн өгөхөө шүүхийн өмнө илэрхийлж байна” хэмээсэн юм. Өмнөх эмчилгээний зардалд 2.7 тэрбум төгрөг төлсөн гэдгийг түүний өмгөөлөгч хэлсэн юм.
Шүүх хурлыг Хан-Уул дүүргийн Эрүүгийн хэргийн анхан шатны шүүхийн шүүгч Х.Одбаяр даргалж байна.