БОАЖ-ын сайд Б.Бат-Эрдэнэ, БОАЖЯ-ны Төрийн нарийн бичгийн дарга Э.Баттулга нар 21 аймгийн сэтгүүлчдийн төлөөлөлтэй уулзаж байна. /2022.04.12/
Монгол Улсын 21 аймгийн хэвлэл мэдээллийн байгууллагын 40 гаруй төлөөлөл 2022 оны 04 сарын 12-16-ны өдрүүдэд Улаанбаатар хотод төвлөрч, Ерөнхийлөгчийн Тамгын газар, УИХ, яам, тамгын газруудын удирдлагуудтай уулзалт хийж, мэдээ мэдээлэл солилцохоор төлөвлөөд буй аж. Энэ хүрээнд нэгдсэн үйл ажиллагааны хуваарийн дагуу өнөөдөр орон нутгийн хэвлэл мэдээллийн байгууллагын төлөөлөл БОАЖ-ын сайд Б.Бат-Эрдэнэ, БОАЖЯ-ны ТНБД Э.Баттулга нартай уулзаж, төрөөс байгаль орчин, аялал жуулчлалын салбарт баримталж буй бодлого, үйл ажиллагааны хөтөлбөр зэрэг мэдээллийг авч, сургалтанд хамрагдаж байна. Мөн яамны холбогдох мэргэжилтнүүд сэтгүүлчдийн сонирхсон асуудлаар мэдээлэл өгөхөөр төлөвлөөд байгаа юм.
