Гашуунсухайтын бөмбөлөг тээврийн жолооч нараас ДОХ-ын сэжигтэй тохиолдол илэрсэн гэх мэдээллийг ХӨСҮТ-өөс тодруулахад " Тээврийн жолоочдыг халдварт өвчний эрсдэлээс сэргийлэх зорилгоор мөн Гашуунсухайтад сүүлийн өдрүүдэд Ковид-19 халдварын тохиолдлын тоо буурахгүй байгаа учир шинжилгээний баг ажиллаж эхэлсэн. Ингэхдээ Ковид-19-ийн шинжилгээнээс гадна урьдчилан сэргийлэх хүрээнд БЗХӨ-ий шинжилгээг авч байгаа.
Шинжилгээгээр жолоочдоос БЗХӨ-тэй, Ковид-19-тэй тохиолдлууд гарсан.Түргэвчилсэн шинжилгээгээр эерэг гарах тохиолдол зөндөө байдаг. Түргэвчилсэн шинжилгээгээр ямар ч хүн эерэг гарч болно. Түргэвчилсэн шинжилгээг баталгаажуулах ёстой.Тэдгээр хүмүүсийг дараагийн шатны эмнэлэгт хүргэж, зөвлөгөө тусламж үзүүлж байгаа. Түүнээс ДОХ/ХДХВ-той хүнийг тусгаарлахаар ХӨСҮТ-ийн баг зорьж очсон гэдэг нь худлаа мэдээлэл" гэсэн байна.
