Увс аймгийн Тариалан сумын малчин, 26 настай эмэгтэй энэ сарын 15-ны өглөөний 07.00 цагийн орчимд малаа хайхаар гараад сураггүй алга болсон. Тэгвэл эмэгтэйг эрэн хайх ажиллагаа одоо хүртэл үргэлжилж байна. Тодруулбал, Онцгой байдлын 5 техник хэрэгсэл, 3 дрон, 47 алба хаагчтай эрэн хайх ажиллагаа явагдаж байгаа бөгөөд тус суманд нэлэнхийдээ цасан бүрхүүл тогтсон учир эрлийн ажиллагаа явуулахад хүндрэл үүссэн байгаа аж.
