Б.Батцэцэг сайд хэвлэлийн эрх чөлөөний өдрөөр сэтгүүлчдийг сангасаа цацаад нисээд явчихдаг тагтаатай зүйрлэлээ. Таны хамаарал бүхий хүмүүс гадаад паспорт хэвлэдэг компанид үүрлэж төрийн мөнгийг тэрбум тэрбумаар нь урсгаж байгааг илчилсэн сэтгүүлчдийн баримт сангас биш.
Та "Тэр эмэгтэйчүүд надтай эрх зүйн хамааралгүй" гэнэ лээ. Тэгвэл тэрийгээ нотол. Төрийн өмчит компанид 20 гаруй тэрбум төгрөгийн барааг ямар ч шалгаруулалтгүйгээр нийлүүлсэн Б.Сувдмаа танай "Мөнхийн үсэг" нягтлангаар ажиллаж байгаагүйг, таны хүүгийн компанид хувьцаа эзэмшигч байгаагүйг нотолчих, тэгвэл. "Соджамц миний хүү биш, надад Мөнхийн үсэг гэдэг компани байхгүй" гэж хэлээд сэтгүүлчдийг дуугүй болго л доо сайд аа.
Авлигад идэгдсэн төрийн эрх баригчид ийм цайсан технологи руу шилжчих хэрэгтэй. Та нарын "эрх зүйн хамааралгүй" гэсэн тэнэг тайлбараас ард түмэн залхаж, жигшиж байна.
Б.Батцэцэг сайд та эхлэлийг нь сайхан тавиад өгчих. Хүүгээ үгүйсгэчих. Хамт ажиллаж байсан эмэгтэйчүүдээ танихгүй гэчих. Сэтгүүлчид үнэн баримт дэлгэж, төрийн сайдын луйврыг дэлгэснийхээ төлөө "сангасаа гоожуулдаг тагтаа" гэж доромжлуулмааргүй байна.
