Баянхонгор аймгийн Бууцагаан сумын Баянбүрд дөрөвдүгээр багийн малчин өдгөө 60 настай Ч.Цэгмид Улаанбаатар хот хүртэлх 790 км замын холын зайн гүйлтээ өнгөрсөн тавдугаар сарын 10-нд Хавтгай улааны арын хондны хаваржаанаасаа эхлүүлсэн билээ.
Тэрбээр өнөөдөр 11:40 минутад Улаанбаатар хотын Сүхбаатарын талбайд барианд орж ирэхээр тооцоолсон юм. Ч.Цэгмид нийт 24 хоногт 790 км зам туулж байна.
Дөрвөн хүүхдийн эх, малчин эмэгтэй Ч.Цэгмид нь Баянхонгор аймаг байгуулагдсаны түүхт 80 жилийн ой, Монгол улсын Гавьяат багш Н.Биндэръяагийн нэрэмжит Номгон сургуулийн 60 жилийн ойд зориулан малчдын тэсвэр хатуужлыг харуулахаар нийт малчдаа төлөөлөн энэ гүйлтийг хийж буй.