“Балетын олимп” хэмээгддэг балетын олон улсын XIV уралдаан ОХУ-ын Москва хотын Большой театрт зургаадугаар сарын 3-11-ний өдрүүдэд болно. Анх 1969 оноос эхлэн дөрвөн жил тутамд нэг удаа Большой театрт зохион байгуулж ирсэн энэхүү уралдааныг энэ жил ЗХУ-ын ардын жүжигчин Оросын домогт бүжиг дэглээч, бүжиг дэглээч Юрий Григоровичийн мэндэлсний 95 жилийн ойд зориулан зохион байгуулж байгаа юм.
Тэрбээр энэхүү уралдааныг анхлан санаачлагчдын нэг ажээ. Уг тэмцээнд манай улсыг төлөөлж Дуурь бүжгийн эрдмийн театрын уран бүтээлчид оролцож байна.
Дасгалжуулагч багшаар ДБЭТ-ын балетмейстер, гавьяат жүжигчин Х.Гэрэлчимэг, гоцлооч Б.Баасансүрэн
Эмэгтэй
МУГЖ О.Анужин, Б.Марал, Г.Нямцэрэн
Эрэгтэй
Ө.Мөнхжин, О.Даваадорж, А.Тэмүүлэн, Х.Галтулга, Д.Нацагдорж нар улсаа төлөөлөн оролцоно. Дөрвөн жил тутамд нэг удаа зохион байгуулагддаг, чансаа өндөр энэхүү тэмцээнд 33 улсын 343 балетчин хүсэлтээ ирүүлснээс сонгон шалгаруулж, 112 балетчин шигшигдэн оролцохоор болжээ. Тэмцээн 18-аас доош өсвөр, 18-27 насны гэсэн ангиллаар зохион байгуулагдаж буй юм байна.