Баянзүрх дүүргийн засаг дарга Н.Баярмөнх IV хороонд ажиллалаа. Энэ үеэр тус хорооны засаг дарга Б.Бадамгарав хийж, хэрэгжүүлж буй ажлын талаар танилцууллаа.
Тэрбээр, "Манай дүүргийн IV хороонд нийслэлийн төсвөөр хоёр хүүхдийн тоглоомын талбай, орон нутгийн буюу дүүргийн төсвөөр нэг явган хүний зам хийгдэхээр төлөвлөгдсөн байгаа. Улсын төсвөөр ямар нэгэн ажил төлөвлөгдөөгүй. Замын ажлын хувьд дуусах шатандаа орсон байна. Харин хүүхдийн тоглоомын талбайн зураг төсөл хийгдэж байгаа, төсөв батлагдсан байна.
Мөн дөрвөн байршилд 161 гарааш буулгах ажил хийгдсэн. Одоогоор иргэдээс буюу орон нутгийн саналаар тухайн байршлуудад ямар ажил хийгдэх талаар санал асуулга авч байна" гэлээ.