Жижиг, дунд үйлдвэрийн газраас жижиг, дунд үйлдвэр, үйлчилгээ, хоршооны салбарын хөгжлийн бодлого, арга хэмжээг олон улсын байгууллагуудын бодлого, хэрэгжүүлж буй төсөл, арга хэмжээтэй уялдуулах, үр дүнг сайжруулах зорилгоор “Жижиг, дунд үйлдвэрийг дэмжих түншлэлийн уулзалт-2022” уулзалтыг маргааш буюу 2022.05.31-ний өдөр зохион байгуулахаар боллоо.
Тодруулбал, Европын холбоо, Европын Сэргээн Босголт Хөгжлийн Банктай хамтран“Туушин” зочид буудлын “Соёмбо” танхимд зохион байгуулах юм. Уулзалтад Монгол Улсад суугаа Элчин сайдын яам, Дэлхийн банк, Европын холбоо, Европын сэргээн босголт хөгжлийн банк, Азийн хөгжлийн банк, Нэгдсэн үндэстний байгууллага, Японы олон улсын хамтын ажиллагааны байгууллага болон холбогдох төрийн болон төрийн бус байгууллагуудын төлөөлөл оролцох аж.