Шингэрүүлсэн шатдаг хий буюу газын аюулгүй хэрэглээг хангах зөвлөмжийг хүргэж байна. Хийн тоног төхөөрөмж ажиллуулахад анхаарах зүйлс: -Хийтэй баллоныг дулаан үүсгэгч буюу халаах хэрэгслээс 1 метр, ил галаас 5 метрээс доошгүй зайд байрлуулна-Хийн тоног төхөөрөмжийг ажиллуулж байх үед хараа хяналтгүй орхихгүй байх-Агааржуулагч сувгийг ажиллуулах эсвэл өрөөний салхивчийг нээлттэй байлгах-Баллон солих үед ил гал гаргахгүй байх, цахилгаан тоног төхөөрөмжийг салгасан байх-Хийн тулга /плитка/-н дээр болон түүний ойролцоо амархан шатах зүйлс байрлуулж болохгүй-Хийн төхөөрөмжийг ажиллуулж дууссаны дараа баллоны хаалтыг заавал хаах-Хийн плитканы хаалтыг зориулалтын бус зүйлээр /бахь, чимхлүүр, хөшүүрэг гэх мэт/ эргүүлж болохгүй-Хийн хоолойноос уяа уяж болохгүй-Бага насны хүүхэд болон хийн тоног төхөөрөмж ашиглах дүрмийг мэддэггүй хүнийг хийн тоног төхөөрөмжид ажиллуулахгүй байх-Хийн төхөөрөмжтэй газар унтаж болохгүй-Хийн баллоныг нарны гэрлийн шууд тусгалаас хамгаалах, хэт халааж болохгүй-Нийлүүлэгч байгууллагаас олгосон хэрэглэгчийн дэвтэр, зааварчилгааг мөрдөх Хийн тоног төхөөрөмжөөс хий алдагдаж үнэртсэн тохиолдолд: -Өрөө тасалгааны хаалга цонхнуудыг нээж, хүмүүсийг аюултай бүсээс холдуулах-Хийн тоног төхөөрөмжийг унтраах-Баллоны хаалтыг сайн хаах-Ил гал гаргах, чүдэнз зурах, тамхи татахгүй байх-Цахилгааны унтраалга, залгуур зэргээс оч хаях, богино холбоо үүсэхээс сэргийлэн залгаатай цахилгаан хэрэгслийг унтраахгүй байх, нэмж цахилгаан хэрэгсэл залгахгүй байх Шингэрүүлсэн шатдаг хий авахад анхаарах зүйлс: -Баллоны дээд бөмбөгөр хэсэгт үйлдвэрлэсэн байгууллагын тэмдэг, үйлдвэрлэсэн хугацааны тэмдэглэгээ байгаа эсэхийг харах-Баллоны хаалт эвдрэлгүй байгаа эсэх-Баллоны баталгаажилтын дуусах хугацааг харах-Баллон бүрэн будагтай байгаа эсэхийг шалгах Хийг тээвэрлэх, хадгалах: -Хийг тусгайлан бэлтгэсэн модон дэр буюу хоорондоо харшихгүй резинэн жийргэвч хэрэглэн автомашин ба вагоноор тусгай тэмдэгтэй тээвэрлэнэ-Хийтэй баллоныг унагаж болохгүй-Баллонтой хийг орон сууц, сургууль цэцэрлэг, ахуйн үйлчилгээ зэрэг хүн олноор цуглардаг газруудад 2-оос дээш ширхэгийг хадгалахыг хориглоно-Задгай буюу битүү агуулахад сэрүүн газар хадгална Дараах баллоныг ашиглахыг хориглоно: -Баталгаажилтын хугацаа дууссан-Хаах хэрэгсэл бүрэн бус-Баллоны их биеийн 1/3 нь будаггүй-Хүзүүвчин дэх бичиглэл буюу пайзгүй-Металл хийцэд өөрчлөлт орсон-Хүзүүвч болон суурь гэмтэлтэй бол ашиглахыг хориглоно.
Эх сурвалж: НОБГ
