Гол дагуу оршин суудаг 130 гаруй айл өрхийг усны халианд автахаас сэргийлж далан байгуулжээ. Тодруулбал, Завхан аймаг, Улиастай сум Богдын гол багийн Өндөр толгой, Даян хэсэг Өндөр толгой, Даян хэсгийн гол дагуух айл өрхүүд голын усны халианд автах гэж байна гэсэн дуудлагыг 01.28-ны өдрийн 09:55 цагт ОБГ-т иржээ.
Дуудлагын дагуу тус аймгийн Онцгой байдлын газрын Эрэн хайх, аврах бүлгийн алба хаагчдыг очиход Улиастай сумын Засаг даргын Тамгын газрын ажилтнууд 10:12 цагаас эхлэн 6 цаг 40 минут ажиллаж, 110 м3 шороо зөөж 50 м урт, 3.5 м өргөн, 0.8 м өндөртэй далан байгуулсан байна.
Эх сурвалж: ОБЕГ
