"Дашваанжил" ХХК-аас үүсээд байгаа нөхцөл байдалтай холбогдуулан хэвлэлийн хурал хийлээ.
Тус компанийн ерөнхий захирал Н.Баатаржав "Ослын улмаас амиа алдсан алба хаагчдад гүн эмгэнэл илэрхийлье, эрүүл мэндээрээ хохирсон иргэдийг хурдан эдгээрэй, биеэ сайн эмчлүүлээрэй.
Манай дотоодын үйлдвэрүүд ААН-үүдээс харамсалтай зүйл болсонд хүч нэмж, цаашдаа ажлаа хийгээрэй гэж хэлсэн учраас баярлаж байна.
Манай компанийн жолооч ажилтан Д.Рэнцэндорж маань 62 настай, архи, тамхи хэрэглэдэггүй, онц тээвэрчин, шилдэг ажилтан. Ажиллаж байх явдцаа ямар нэгэн осол аваар гаргаж байгаагүй. Гэнэтийн осол гарсанд гүнээ харамсаж байна. Буруу зуршилгүй жолооч байгаа юм. Хохирлыг барагдуулахын төлөө ажиллана. Жолоочийн асуудлыг компанийн зүгээс бүрэн хариуцна.
Хоёр машин шүргэлцэх хэсэгт тухайн машины хий ачих, буулгах хоолой байрладаг. Осол хоолойноос болсон уу эсвэл даралт саванд гэмтэл гарсан уу гэдгийг бид бүхэн мэдэхгүй. Одоо холбогдох байгууллагынхан ажиллаж байгаа учраас ослын шалтгааныг нэрийн хэлж мэдэхгүй байна. Одоогоор дүгнэлт гараагүй байна, асуудлаа шийдээгүй байна. Одоо мэргэжлийн байгууллага шалгаж байгаа. Хэвлэл мэдээллийнхэн шуугианаар битгий мэдээлээч хүсье. Газны талаар битий худлаа мэдээлээсэй гэж хүсэж байна. Ажилд гарч буй ажилтан бүр маань зааварчилгаа авч гардаг гэдгийг онцолж хэлмээр байна.
Осолдсон цистерн машиныг энэ оны нэгдүгээр сард шинээр авсан. Дөрөв дэх удаагийн тээвэрлэлтээ хийж байсан. Хот хоорондын тээвэр хийдэг. Замын-Үүд рүү 15.7 тонн хийн түлш хүргэхээр явж байсан. Жолооч мэргэшсэн жолоочийн үнэмлэхтэй, хийн газ тээвэрлэх сургалтад хамрагдсан.
Гэнэтийн аваар гарсанд үнэхээр харамсаж байна. Осол маань хяналт шалгалтын явцад явж байгаа болохоор дүгнэлт болон илүү дэлгэрэнгүй мэдээлэл өгөх боломжгүй" гэлээ.
Дашрамд дуулгахад орон нутаг болон хот дотор нийтдээ 20 гаруй тэрэг тээвэрлэлт хийж байгаа. Монгол Улсад мөрдөгдөж байгаа яг шаардлага хангасан тээврийн хэрэгслийг худалдаж авдаг. Тусгай зориулалтын тээврийн хэрэгсэл юм.
-Тээврийн хэрэгсэл зөвшөөрөлтэй байсан уу?
-2019 онд Шадар сайдын гаргасан тушаалын дагуу заасан маршрутын дагуу явж байсан. Хамгийн гол нь стандарын шаардлага хангасан замаар явж байсан. Энэ машин сая нэгдүгээр сард орж ирсэн. 3-4 удаа тээвэрлэлтэд явсан. Хот доторх тээврийн хэрэгсэл биш хот хоорондын тээвэр хийдэг машин. Шалгагдаж байгаа учраас илүү мэдээлэл алга.
-Шөнийн цагаар тээвэр хийдэг үү?
-22 цагаас хойш том тэрэгнүүд тээвэр хийнэ гэж заасан байдаг. Заасан замаар явж байсан. Шөнийн цагаар гарсан ч жолооч нараа амраадаг.
