Монголын анхны эмэгтэй олон улсын шүүгч Л.Болормаа сүүлийн УАШТ-ээ шүүж, дэвжээндээ хүндэтгэл үзүүлэн шүүгчийн замналаа өндөрлүүллээ. Тэрбээр 1998 оноос хойш 27 жил чөлөөт бөхийн УАШТ-нд шүүгчээр ажиллажээ.Олон жил УАШТ-дээ шүүгчээр ажиллаад алтан дэвжээндээ хүндэтгэл үзүүлэн нүдэндээ нулимстайгаар дэвжээнээс буусан байна. Эмэгтэй шүүгчдийн өсөж хөгжих замыг нээж, урагшлах замын түүчээ болсон түүнд Монголын чөлөөт бөхийн холбоо, МҮОХ, шүүгчид, тамирчид, дасгалжуулагчид, гэр бүл, найз нөхөд нь хүндэтгэл үзүүллээ.
