Өнгөрсөн сарын сүүлээр Төрийн хэмнэлтийн тухай болон Монгол улсын Засгийн газрын тухай хуульд өөрчлөлт оруулж зарим газрын дарга нарыг албан тушаалаас нь чөлөөлсөн. Тэгвэл энэхүү хууль хэрэгжижи байгаа нь сонин. өөрөө хэлбэл уг хуулийн гадуур УИХ-ын гишүүн Н.Учрал өөрийн найз нөхөд, аялдан дагагчдаа дарыгн албан тушаалд томилуулж, ажлаас халагдсан андыгаа хүртэл дүүргийн засаг даргад зүтгүүлсэн ч бүтэлгүйтжээ.Тодруулбал УИХ-ын гишүүн Ж.Ганбаатарын гэгдэх Баянгол дүүрэг өдгөө хөл толгойгоо алдаж одоог хүртэл Засаг даргагүй байна. Тэгвэл халаагаа өгч буй Засаг дарга Ө.Сумьяабаатарын оронд УИХ-ын гишүүн Н.Учрал өөрийн анд найз Нийслэлийн Засаг даргын орлогч Д.Ихбаярынгаа зүтгүүлсэн ч энэ удаа азгүйтэв. Эх сурвалжийн мэдээлж буйгаар Н.учрал хотын дарга Д.Сумьяабазарт Д.Ихбаярыг томилооч гэж саналыг хэлжээ.
Гэвч хотын дарга түүнд болон Д.Ихбаярт "Орлогч даргын чинь хэл ам одоо болтол тасраагүй байхад яаж дүүргийн Засаг дарга болох вэ? Ямар ч боломжгүй" гэсэн хариу өгч Н.Учралын амыг таглажээ. Мэдээж үүнийг Н.Учрал болон хотын дарыгн хүрээнийхэн мэдэж байсан ч улс төрийн хүрээнийхэнд аль хэдийн тарж жиг жуг хийгээд эхэлжээ. Н.Учрал УИХ-ын гишүүн болсон цагаасаа эхэлж, төрийн албаны томилгоонд гар бие оролцож өөрт хамааралтай болгоноо дарга болгож, төрийн албанд анд нөхдийн хэлхээг үүсгэсэн нэгэн.
Тухайлбал тэрбээр дуучин А Сооl буюу Д.Анхбаярыг ШШГЕГ-ын Соёмбо чуулгын даргаар томилсон. Мөн НОСК-ын захирал М.Говьсайхан, Хөдөлмөр халамжийн үйлчилгээний газрын дарга Л.Дашдэмбэрэл нарын 10 гаруй залуусыг төрийн чухал албан тушаалд улаан гэрлээр томилуулж байсан.Тэгвэл мань гишүүн дээрх томилгоонуудад сэтгэл нь ханахгүйгээр ажлаа аваад 17-хон хоноод Нийслэлийн Засаг даргын Ногоон хөгжил болон агаарын бохирдлыг бууруулах асуудал хариуцсан орлогч дарга асан Д.Ихбаярыг ажилдаа хариуцлагагүй хандаж албан тушаалаас нь чөлөөлсөн гэдгийг мэдэж буй хэрнээ Баянгол дүүргийг түүнд атгуулахыг оролдсон гэсэн үг.
Өөрөөр хэлбэл Д.Ихбаяр төрийн албаны туршлагагүй хэрнээ гишүүн найзынхааа буянаар хотын орлогч даргын албан тушаалд крандуулж томилогдсон ч 17-хон хоног ажиллаад чөлөөлөгдсөн. Гэтэл УИХ-ын чуулганы танхимд том том дуугарч ард олноос "ОНЦ" гэсэн оноо авахыг хүсдэг Н.Учрал гишүүн бүр дүүргийн Засаг даргаар томилуулахаар зүтгэсэн нь шившиг. Хэрвээ хотын дарга Д.Сумьяабазар Н.учрал гишүүний саналыг хүлээж аваад Д.Ихбаярыг Баянгол дүүргийн Засаг даргаар томилсон бол өөрийнх нь ч суудал ганхах учраас "Энэ удаад ямар ч боломжгүй" гэх хариулт өгсөн нь хамгийн зөв сонголт байв. Ингээд харахад Н.Учрал гишүүний гар аргагүй л урт юм. Шударгын дүр эсгэсэн түүнийг МАН засаглаж буй энэ цаг үед цаашид ямар томилгоонд гар бие оролцохыг нь харцгаах болж дээ.
Эх сурвалж: Erennews.mn
