УИХ-ын Хянан шалгах хорооны нотлох баримтыг шинжлэн судлах нээлттэй сонсголын хоёр дахь шат өнөөдөр эхэлсэн. Нүүрсний гэх тодотголтой энэ сонсголын үеэр шинжээчийн дүгнэлт бодитой гарч байна уу гэх асуудал хөндөгдөв
УИХ-ын гишүүн Б.Жаргалмаа: Шинжээчдийн өгсөн мэдээллээр төрийн байгууллагуудын мэдээлэл дутуу, зөрүүтэйгээс баримтын алдаа гараад байна гэж байна. Шинжээчид тээвэрлэгч компаниудтай баримтын тулгалт хийсэн үү. ЭТТ дээр мэдээлэл байхгүйгээс дүгнэлт хийх боломжгүй гээд сая гаруй тоннын зөрүү байна гээд байна. Мэдээлэл дээрээ яаж ажилласан юм бэ?
Шинжээч: Тулгатын эх файл нь аж ахуйн нэгжүүдийн пүүний мэдээллийн сан гэж бий. Нафт болгон дандаа дутуу өгсөн. Тиймээс Гаалийн ерөнхий газрын албан бичгээр Цагаан хад, Гашуун сухайтын 36 нафтаас мэдээллийг авсан. Хугацааны зурвасаа яг ижил өгч байж, тулгалт хйисэн. Гол тулгалт бол тухайн тээврийн хэрэгслийн дугаар. Цагаан хадны нафтаас авсан файлаар тулгалт хийсэн.
Тээвэрлэгч компанийн төлөөлөл Амгалан: Гаалийн хяналтын талбайн датаг үндэслээд тээврийн компаниуд дээр тоо баримт гаргаж байгаа нь ямар учиртай юм бэ. Манайх ковидын үеэс тээвэрлэлт эхэлсэн. Жолооч нарын өгсөн ПСR шинжилгээ, паспорт дээр дарсан тамга гээд олон зүйлтэй тулгаж болно. Манай компанийн хувьд бүх мэдээлэл байгаа учраас энэ асуудал хариуцлагатай хандаж байна. Манай компанид бол та бүхний зүгээс ямар мэдээлэл ирээгүй.
ХЗДХ-ийн сайд Б.Энхбаяр: Гэрч бол шинжээчдээс асуулт асуухгүй. Таны асуугаад байгаа асуултыг гишүүд асуугаад л байна.
