Өнөөдрөөс 2024 оны 1 дүгээр сарын 31-ний өдрийг дуустал өглөөний 08:00 цагаас оройн 20:00 цагийн хооронд тэгш, сондгой дугаараар ангилан замын хөдөлгөөнд оролцуулж эхэлсэнтэй холбоотойгоор арга хэмжээг авч хэрэгжүүлж байна.
Хязгаарлалт зөрчиж хөдөлгөөнд оролцсон тохиолдолд 20 мянган төгрөгөөр торгож, улсын дугаар сольж зүүх, зориудаар нуун далдалсан тохиолдолд 50 мянган төгрөгөөр торгож, жолоо барих эрхийг 3 сараар хасах Зөрчлийн тухай хуулийн дагуу хариуцлага тооцохыг ТЦА-наас мэдээллээ.
Тодруулбал,
14.7.57.Замын хөдөлгөөний түгжрэл, саатлыг зохицуулах зорилгоор аймаг, нийслэлийн Засаг даргаас харьяа нутаг дэвсгэртээ Монгол Улсын хууль тогтоомж, Замын хөдөлгөөний дүрэмд нийцүүлэн тээврийн хэрэгслийн хөдөлгөөнд хязгаарлалт тогтоосон захиргааны хэм хэмжээний актыг зөрчсөн бол хүнийг хорин нэгжтэй тэнцэх хэмжээний төгрөгөөр, хуулийн этгээдийг хоёр зуун нэгжтэй тэнцэх хэмжээний төгрөгөөр торгоно.
14.7.13.Хуурамч улсын бүртгэлийн дугаар бүхий тээврийн хэрэгслээр замын хөдөлгөөнд оролцсон бол гурван сарын хугацаагаар жолоодох эрхийг хасаж хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгоно.
