Монгол Улсын 2023 оны эхний 11 сарын байдлаарх нийгэм, эдийн засгийн үзүүлэлтийг Үндэсний Статистикийн Хорооноос танилцууллаа.
ҮСХ-ны Мөнгө, санхүү үйлчилгээний статистикийн хэлтсийн дарга Л.Энхбаатар" Энэ оны арваннэгдүгээр сарын инфляцыг суурь он буюу 2020 оны арваннэгдүгээр сарынхтай харьцуулахад 38.9 хувьтай гараад байна. Үүн дотор хүнсний бүлгийн үнэ 56.2 хувь өссөн. Талх, гурил будааны үнэ 80.1 хувь, мах махан бүтээгдэхүүнийх 29.3 хувь, төрөл бүрийн тосны үнэ хоёр дахин өссөн байна.
Инфляц өсөхөд нөлөөлсөн голлох 10 бараа бий. Тухайлбал инфляцад нөлөөлсөн 10 бүтээгдэхүүн дунд эмэгтэй хүний шингэн энгэсэг голлон нөлөөлжээ. 2022 оны арваннэгдүгээр сарын байдлаар шингэн энгэсгийн үнэ дунджаар 25 401 төгрөг байсан бол энэ оны арваннэгдүгээр сард 48 310 болж нэмэгдсэн байна. Энэ нь жилийн хугацаанд 90.2 хувиар өссөн үзүүлэлт юм. Үүний араас гурилан боовны үнэ жилийн хугацаанд 47.2 хувиар нэмэгдсэн дүнтэй байна" гэв.
.png)
