Францын кино од Жерар Депардьег бэлгийн хүчирхийлэл үйлдсэн хэмээн буруутгаж байсан жүжигчин Эммануэль Дебеверийн цогцсыг Сена мөрнөөс олжээ. Энэ тухай Liberation мэдээлэв.
Энэ эмгэнэлт явдал өнгөрсөн долоо хоногт буюу Жерар Депардьегийн хүчирхийллийн хэргийн тухай баримтат киноны нээлтийн өмнөх өдөр болсон юм. Дебевер 60 настай байсан бөгөөд цагдаа нар жүжигчин бүсгүйг амиа хорлосон гэж үзэж байна.
Жүжигчин 2019 онд Депардьегийн дарамтын талаар ярьж байсан. Энэ явдал Дантон киноны зураг авалтын талбайд болсон бөгөөд тэд хоёулаа гол дүрд тоглосон юм. Хожим нь жүжигчин бүсгүйн хэлснээр түүнийг фургон машиндаа дарамталсан байна. Гэвч Депардье үүнийг үгүйсгэж байгаа гэж Liberation мэдээлэв.
Францын үндэсний France Télévisions телевиз жүжигчин Жерар Депардьегийн тоглосон бүх киног эргүүлэн татлаа. Энэ нь Депардьег бэлгийн дарамтад буруутгасан баримтат кино гарсны дараа болсон юм.
Үүнээс гадна дөрөвдүгээр сард Францын 13 жүжигчин болон загвар өмсөгчид Депардьег бэлгийн дарамт үзүүлсэн гэж буруутгасан юм. Тэрээр 2004-2022 он хүртэл эдгээр эмэгтэйчүүдийг зураг авалтын үеэр дарамталж байсан ч тэдний хэн нь ч хууль хяналтын байгууллагад мэдэгдэл бичихээр шийдээгүй гэдгийг тодотгосон байна.
Эх сурвалж: Vm.ru
