УИХ-ын чуулганы хуралдаан үргэлжилж байна. Чуулганы хуралдаанаар УИХ-ын чуулганы хуралдаан үргэлжилж байна. Чуулганы хуралдаанаар “Монгол Улсын тээврийн холболт болон логистикийг сайжруулах төсөл”-ийн зээлийн хэлэлцээрийг соёрхон батлах тухай хуулийн төслийг соёрхон батлах эсэх асуудлыг хэлэлцэж байна.
Дэхийн банкнаас 100 сая ам.долларын санхүүжилт авч авто замуудыг засах тухай асуудалд гишүүд байр сууриа илэрхийлж, ЗТХ-ийн сайдаас тодруулж байгаа юм.
УИХ-ын гишүүн Д.Ганбат “Улс, эх оронд болж, бүтэж байгаа юм цөөн байна. Гэтэл дахиад өр тавих гээд яриад байх юм. Сүүлийн үед зээлийн хүү өндөр байгаа шүү дээ. “Чингис бонд”-ыг л байнга яриад байдаг, энэ чинь 3 бил үү, 3.5 хувийн бага хүүтэй, хугацаа нь урт байсан. Тэгээд 7-8 хувийн хүүтэй зээл олж ирчхээд гавьяа байгуулсан юм шиг яриад л эцэст нь Монголын ард түмэн төлөх юм чинь яавал гэж гэсэн шиг хандмааргүй байна. Авч байгаа зээлээ, зориулалтаа оновчтой болгомоор байна шүү.
Хийсэн ажлууд нь мухар замуудтай, 30-хан километрийн урттай төмөр замтай, ийм л байна шүү дээ Шатахуун, цахилгаан ч байхгүй. Юмны үнэ өсчихсөн, ийм л зүйлсээр шинэ жилийн өмнө бэлэг барьж байна даа. Найман жил засаглачхаад ийм л зүйлийг үзүүлж байна, үүнийг Монголын ард түмэн мартахгүй ээ.
Малчин эмэгтэйчүүдэд зориулсан платформ гэж ярьж байна. Үр дүнтэй ажил хий л дээ. Хорт хавдар гаарчихсан. Ходоодны хорт хавдраар Монгол Улс дэлхийд нэгдүгээрт бичигдэж эхэлжээ. Би 7-8 жилийн өмнө хувийнхаа мөнгөөр одонтой ээжүүддээ хэдэн бидон тараасан. Бас хуванцар шанагыг нь сольж өгсөн. Одоо манай Баянхонгор аймагт хорт хавдрын үзүүлэлт хамгийн бага байна шүү дээ" гэлээ.
