“Ургацын баяр-2023”-т зориулсан улс, аймгийн алдар цолтой хүчит 128 бөхийн барилдаан өнөөдөр 13:00 цагаас эхэлнэ.
Өнөөдрийн барилдаанд хүч үзэхээр даян аварга Н.Батсуурь, улсын аварга О.Хангай, улсын заан Б.Серик, улсын харцага Г.Бадрах нарын 154 бөх бүртгүүлжээ.
Энэ сард болох хүчит бөхийн барилдаануудаас дурдвал арванхоёрдугаар сарын 10-нд 13:00 цагаас Олон улсын хүний эрхийн өдөр, Жанрайсэг бурхны хишиг өдрөөр улс, аймгийн алдар цолтой хүчит 128 бөхийн, 29-нд 13:00 цагаас Үндэсний эрх чөлөө, тусгаар тогтнолоо сэргээн мандуулсны 112 жилийн ойд зориулсан Ерөнхийлөгчийн цомын төлөөх улс, аймгийн алдар цолтой хүчит 128 бөхийн барилдаан тус тус болох нь.
Хуульд шинэ ургацын болон ардчилал, хүний эрхийн өдрийг нийтээр тэмдэглэх тэмдэглэлт өдөр хэмээн заасан байна.
Харин арванхоёрдугаар сарын 29-нд Үндэсний эрх чөлөө, тусгаар тогтнолоо сэргээн мандуулсны ойн өдрөөр нийтээр тэмдэглэх баярын өдөр буюу бүх нийтээр амрахаар хуульчилжээ.
