Ираны ерөнхийлөгч Эбрахим Раиси Москвад албан ёсны айлчлал хийж, ОХУ-ын ерөнхийлөгч Владимир Путинтэй уулзана. Энэ тухай Tasnim агентлагаас иш татан ТАСС мэдээлэв.
Тус агентлагийн тэмдэглэснээр, Ираны удирдагч маргааш буюу 12-р сарын 7-ны пүрэв гарагт Оросын нийслэлд ирнэ.
Эбрахим Раиси Путинтэй уулзахдаа Иран, Орос хоёр талын харилцааны талаар болон Палестины асуудлаар хэлэлцэхээр төлөвлөж байгаа гэдгээ тодруулжээ.
Үүнээс өмнө Ираны дээд удирдагч Аятолла Али Хаменеи АНУ-ыг Ойрхи Дорнод дахь байр сууриа алдсан гэж мэдэгдсэн юм. Түүний хэлснээр, бүс нутгийн улс төрийн газарзүйн зураглал АНУ-ын талд бус харин Израилийг эсэргүүцэж буй фронтын талд өөрчлөгдөж байна гэжээ.
Эх сурвалж: Лента.ру
