Монголын бурхан шашинтны Төв-Гандантэгчэнлин хийдийн XXX дахь тэргүүн их хамбыг сэнтийд нь залах ёслол боллоо. Төв-Гандантэгчэнлин хийдийн XXX их хамбаар гэвш, лхаарамба Д.Жавзандоржийг сонгосон билээ.
Төв-Гандантэгчэнлин хийдийн тэргүүн их хамбаар 31 жил ажилласан Монгол Улсын Соёлын гавьяат зүтгэлтэн Д.Чойжамц болон лам хуврагууд шинээр сонгогдсон их хамбадаа хүндэтгэл үзүүлж, Мандал өргөсний дараа XXX дахь тэргүүн их хамба Д.Жавзандорж сүсэгтэн олонд хандан айлдвар өргөлөө.
