Цаг уур, орчны шинжилгээний газрын “Зудын эрсдэлийн зураглал”-аар энэ өвөл нийт нутгийн 50 орчим хувьд зудын өндөр эрсдэлтэй, есөн хувьд нэн өндөр, 45 хувьд өндөр, 36 хувьд дунд зэргийн эрсдэлтэй байх бол арван орчим хувь нь бага эрсдэлтэй гэсэн тооцоолол гарчээ. Түүнчлэн ойрын өдрүүдэд цаг агаар дулаарч, орсон цас хайлж эхэлж байгаа ч арваннэгдүгээр сарын 22-ноос эрс хүйтрэх тул газрын өнгөн хэсэгт мөсөн бүрхүүл тогтох эрсдэл үүсэж болзошгүй аж. Мөн ирэх сард олон жилийн дунджаас ахиу цас орох бөгөөд нийт нутгийн 48.5 хувьд бэлчээрийн даац хэт давсан нь эрсдэлийг нэмэгдүүлж байгаа юм.
Хүнс, хөдөө аж ахуйн салбарын хувьд өвөлжилтийн бэлтгэл 85 хувь, өвс, тэжээлийн нөөц бэлтгэл, татан авалт 78 орчим хувьтай байна.
