Нүүрсний хэргийг хянан шалгах үүрэг бүхий /Төрийн болон орон нутгийн өмчит, өмчийн оролцоотой зарим компаниудын үйл ажиллагаанд хяналт шалгалт хийх, хяналт шалгалтын тайланг УИХ-д танилцуулах/ түр хороо өнөөдөр /2023.11.15/ 14.30 цагт хуралдахаар товложээ.
Хуралдаанаар Хянан шалгах түр хорооны хянан шалгагчийг томилох тухай асуудал хэлэлцэх юм байна.
Найм хоногийн өмнө /2023.11.07/ хийсэн хаалттай хуралдаанаараа нүүрсний сонсголоо товлож, гурван шинжээч нэмж томилсон байдаг. Шинжээч нэмж томилсоноор арилжааны банкуудын данс руу нэвтрэх эрхээ хуулийн байгууллагаас баталгаажуулж авсан тухай бид мэдээлсэн билээ.
