
БНСУ-ын байгаль орчны яамнаас кафе болон зоогийн газруудад нэг удаагийн аяганы хоригийг цуцлах шийдвэр гаргажээ. Мөн кафед хуванцар соруулыг хэрэглээнээс халах хүртэл бэлтгэл хугацааг сунгахаар төлөвлөж байгаа юм байна. Хуванцар соруулыг хэрэглээнээс халах бэлтгэл хугацаа энэ 11-р сард дуусахаар байсан юм. Бэлтгэл хугацаа дууссаны дараа зөрчил илэрвэл 3 сая хүртэлх воноор торгох заалттай байжээ.
Хуванцар аяганы хоригийг цуцалснаар хүрээлэн буй орчны идэвхтнүүдийн эсэргүүцэлтэй тулах болов уу гэж ажиглагчид харж байгаа. Харин байгаль орчны яамнаас энэ шийдвэрээ зөвтгөхдөө, одоогийн бодлогын хүү, инфляцын өндөр түвшний улмаас эдийн засгийн хямралд өртөж байгаа жижиг дунд үйлдвэрлэгчид, бизнесийн байгууллагуудын төлөө гаргасан шийдвэр гэж тайлбарласан байна.