Нийслэл дэх засаг захиргааны анхан шатны шүүх худалдааны төвийн лангуун дээрээс малгай хулгайлахыг завдаж эзнийг нь хутгалсан хэргийн талаар шүүн хэлэлцсэн байна.
Тус хэрэг 2023 оны хоёрдугаар сарын 12-ны өдөр үйлдэгдсэн бөгөөд Х.С нь худалдааны төвийн лангуун дээрээс 380,000 төгрөгийн үнэтэй булган малгайг хулгайлахыг оролджээ. Лангууны эзэн уг үйлдлийг таслан зогсоох үедээ хэвлий хэсэгтээ хутгалуулан хүнд шарх авчээ.
Чингэлтэй дүүргийн анхан шатны шүүхийн Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4 дэх заалтад заасан хорих ялын доод хэмжээг буюу 5 жилийн хорих ял төлөвлөсөн.
Улмаар эрүүгийн хуулийн ерөнхий ангийн 6.7 дугаар зүйлийг хэрэглэн хөнгөрүүлж Х.С-ыг 3 жил 7 сарын хугацаагаар хорих ялаар, мөн хуулийн тусгай ангийн 17.1 дүгээр зүйлийн 1 дэх хэсэгт зааснаар 240 цаг нийтэд тустай ажил хийлгэх ял оногдуулж, уг ялын 8 цагийн ажлыг нэг хоногийн хорих ялаар тооцож ялуудыг нэмж нэгтгэн нийт биечлэн эдлэх хорих ялыг 3 жил 8 сарын хугацаагаар тогтоож шийдвэрлэжээ.
