УИХ-ын гишүүн С.Ганбаатараас цаг үеийн асуудлаар тодруулга авлаа.
Тэрбээр "Хотын үе үеийн дарга нарын газар зарж идэж ууж, хагартлаа баяжиж, сонгуулийн мөнгөө босгож намдаа хандив өргөсний горыг өнөөдөр Улаанбаатарчууд үүрч байна. ОУ-ын судалгааны байгууллагаас гаргасан Улаанбаатарчуудын алдагдсан боломж гээд судалгаагаар түгжрэлд жилд 1 тэрбум 225 сая долларыг алдаж байна. Энэ бол 3.8 их наяд төгрөг. Өнөөдөр архидаж найрлаж шартаад ирхээрээ УИХ-д оруулж ирж байна. Улаанбаатар хотын иргэдийн төлбөрийг нэмэгдүүлж татварыг нэмэх болохоороо УИХ-аар оруулж ирж шийдэх гэж байгаа нь арчаагүй байна. НИТХ, Дүүргийн ИТХ дээрээ шийдлдээ. Өнөөдөр аймаг, дүүрэг болгоны ийм асуудлыг Их хурал дээр ярьж болохгүй шүү дээ" хэмээв.
