Газын зурваст наад зах нь 2000 хүүхэд нас барсан гэж Хүүхдийг ивээх сан мэдэгдэв.
"Өнгөрсөн 17 хоногийн хугацаанд Газын зурваст 2000 гаруй хүүхэд амиа алдсан бол Иордан голын баруун эрэгт 27 хүүхэд нас барсан. Байнгын агаарын цохилт Газын зурвасын олон зуун байр байшинг утаа уугисан балгас болгон хувиргаж байна" хэмэнэ тус байгууллагын мэдэгдэлд өгүүлжээ. Мөн агаарын довтолгоог зогсоох нь хүүхдүүдийг аврах цорын ганц арга гэлээ.
Үүний өмнө Израил, Хамасын сөргөлдөөний улмаас НҮБ-ын Палестины дүрвэгчдэд туслах Ойрхи дорнодын агентлагийн 35 ажилтан амь үрэгдсэнийг мэдээлсэн юм. Тус агентлагийн Газ дахь 150 байгууламжид 600 мянга орчим хүн хорогдож байгаа бөгөөд 40 гаруй байгууламж нь эвдрэн сүйджээ.
