Жил бүрийн энэ үед угаартах эрсдэл нэмэгддэг. Есдүгээр сарын 1-нээс энэ сарын 16-ны өдрийг хүртэл буюу сүүлийн 45 хоногт 349 хүн угаартжээ. Өчигдрийн байдлаар Цэргийн төв эмнэлгийн хордлогын яаралтай тусламжийн үндэсний төвд хоёр хүн хэвтэн эмчлүүлж байна. Тэдний нэг нь орон нутгийнх, нөгөө нь Улаанбаатар хотынх. Тэд гэрт нь гал түймэр гарсны улмаас угаартсан аж.
Он гарснаас хойш 7 дүүрэг, 15 аймгийн 2243 хүн угаартаж, эмнэлгийн тусламж авсан байна. Тэдгээрийн 1821 нь эмнэлгийн тусламж авч буцсан бол 366 нь хэвтэн эмчлүүлжээ. Харин 54 нь амь эрсэдсэн байна.
