Монгол Улсын Ерөнхийлөгч Ухнаагийн Хүрэлсүхийн Франц улсад хийж буй айлчлалын хүрээнд хоёр улсын Ерөнхийлөгч нарын ивээл дор зохион байгуулагдаж буй "Чингис Хаан - Монголчууд дэлхийг өөрчилсөн нь" олон улсын үзэсгэлэн 2023 оны 10 дугаар сарын 14-ний өдөр буюу өнөөдөр Франц Улсын Нант хотын Бретанийн Гүнгийн ордон буюу Түүхийн музейд нээлтээ хийж, зургаан сарын турш үргэлжилнэ.
Тус үзэсгэлэнд Чингис хаан үндэсний музей, ШУА-ийн Археологийн хүрээлэн, Хархорум музей, хувь цуглуулагч зэрэг нийт 400 гаруй үзмэр, Францын Лувр (Louvre), Сэвр (Sevres), Азийн урлагийн Гимэй (Guimet), Франц Улсын Ерөнхийлөгч асан Жак Ширакийн нэрэмжит Брэнли (Quai Branly) музей болон Европын Холбооны бусад улсаас 150 гаруй үзмэр дэлгэгдэх Юм. Түүхэн баримт бүхий үзэсгэлэн дэлхий нийтэд анх удаа олон нийтийн хүртээл болж байгаа нь онцлог юм.
