
Израилын батлан хамгаалах хүчин (ЦАХАЛ) Газын зурваст өргөн цар хүрээтэй байлдааны ажиллагаа явуулж эхлэв. Тэгвэл Палестины ХАМАС хөдөлгөөн тулаан дуустал барьцааны хүмүүсийг суллах талаар хэлэлцээр хийх бодолгүй байна.
Хохирогчид
Палестины ХАМАС хөдөлгөөний халдлагын улмаас Израилын 1000 гаруй иргэн амиа алдаж, 3400 хүн шархаджээ. Мөргөлдөөн эхэлснээс хойш Израиль мөн 123 цэргийн албан хаагчаа алдсан гэж The Times of Israel сонин мэдээлэв. Сүүлийн мэдээллээр 840 гаруй палестин хүн амиа алдаж , 4200 мянган хүн шархаджээ. Газын зурвасын хэвлэлд ажиллаж байсан таван сэтгүүлч амиа алджээ. Газаас дүрвэж буй хүний тоо137 мянга болсныг НҮБ мэдээлэв.
Байлдааны ажиллагаа
- Израилын цэргийнхэн сөргөлдөөн эхэлснээс хойш тус улсад нэвтэрсэн 1000 гаруй палестин дайчныг устгажээ. Мөн Газын зурвасын 250 гаруй байд довтлон бөмбөгдөв. ХАМАС-ын дээд тушаалын хоёр хүнийг устгасан нь батлагдав.
- ХАМАС хөдөлгөөний байлдааны жигүүр болох "Из эд-Дина аль-Кассам" бүлэглэл Тель-Авив хот, Бен-Гурионы олон улсын нисэх буудал, Герцлия, Беэр-Шева, Ашкелон хотууд руу пуужин харвасан гэлээ.
- Тель-Авивт агаарын түгшүүр гурван удаа дуугарав.
- Армийн хэвлэлийн төлөөлөгч, бригадын генерал Даниэль Хагари хил орчмын суурингаас бүх оршин суугчдыг нүүлгэсэн гэж мэдэгдэв.
- Армийн нисдэг тэрэг хил даван нэвтэрсэн террористуудыг устгажээ. Сөнөөгч онгоцнууд ХАМАС-ын зэвсэгт жигүүрийн командлагч Мухаммед ад-Дейфийн гэрт цохилт өгчээ.
- Ливаны нутгаас гурван пуужинг Израилын зүг харавсны хариуд нисдэг тэрэгнээс мөн их буугаар “Хезболлах” хөдөлгөөний байрлалд цохилт өгөв.
Бүс нутгийн байдал
- Израилийн Ерөнхий сайд Биньямин Нетаньяху Хамас бүлэглэлийн дайчдын халдлагын дараа сураггүй болсон израильчуудыг хайх зохицуулалтын төв байгуулах тушаал гаргажээ .
- Эрэлт нэмэгдсэнтэй холбогдуулан Израилын хамгийн том сүлжээ дэлгүүр "Шуферсал" бүтээгдэхүүний борлуулалтыг хязгаарласан байна .
- Гадаадын иргэдийг тус улсаас нүүлгэн шилжүүлэх ажил үргэлжилж байна. Польш, Румын улсууд тус бүр 600 гаруй иргэнээ нүүлгэн шилжүүлсэн бол Итали 200 орчим хүнийг татан авчээ. Казахстан улс иргэдээ авахаар Израиль руу онгоц илгээжээ
Гуравдагч улсуудын оролцоо
- НАТО-д суугаа Израилын элчин сайд Хаим Регев "Politico" сонинд ярилцлага өгөхдөө сөргөлдөөнд Ливан, Палестины улсыг оролцуулахгүй байх арга хэмжээ авахыг ЕХ-ны гишүүдэд уриалжээ.
- Үүний зэрэгцээ АНУ-ын Зэвсэгт хүчний штабын нэгдсэн хорооны дарга Чарльз Браун Ираныг мөргөлдөөнд оролцохгүй байхыг анхааруулав .
- Арабын нэгдсэн Эмират улс Сирид ч мөн адил анхааруулга өгсөн байна .
АНУ-ын тусламж
- АНУ эхний ээлжийн цэргийн тусламжаа Израильд илгээсэн бөгөөд нэмэлт санхүүжилтийг ойрын өдрүүдэд зарлах болно.
- Сум зэвсэг ачсан анхны онгоц лхагва гарагийн шөнө Израильд газардлаа.
Палестинд үзүүлэх тусламж
Палестины хөгжилд туслах €691 сая еврог царцааж байгааг еврокомиссар Оливер Варгейи мэдээлэв. Дараа нь Хямралын эсрэг арга хэмжээ хариуцсан еврокомиссар Янез Ленарчич палестинчуудад хүмүүнлэгийн тусламж үзүүлнэ гэжээ.
Олон улсын хандлага
Их Британи, Герман, Итали, АНУ, Францын удирдагчид утсаар ярилцахдаа ХАМАС бүлэглэлийн үйлдлийг буруушааж, Израилыг бүрэн дэмжиж байгаагаа илэрхийлэв .
Ираны Гадаад хэргийн сайд Амир Абдоллахиян "Израилын гэмт үйлдлийн хариу нь ХАМАС-ын довтолгоо" гэлээ.
Олон улсын Хүний эрхийн "Human Rights Watch" байгууллага ХАМАС, Израиль хоёрыг цэргийн гэмт хэрэгт буруутгалаа.