2023 оны есдүгээр сарын 21-ний өдрийн 12 цаг 41 минутад Сонгинохайрхан дүүргийн 33 дугаар хороо, Тахилтын 4 дүгээр буудлын явган хүний гарцаар гарч байсан хоёр хүүхдийг автомашин дайрсан хэрэг гарсан. Тодруулбал, гарцаар зам хөндлөн гарах үед Тоёота Приус маркийн тээврийн хэрэгсэл мөргөж 12 настай, эмэгтэй “Н” ослын газарт амь насаа алдаж, 13 настай, эмэгтэй “Х” нь гэмтэн ГССҮТ-д эмнэлэгт хүргэгдсэн.
Ийнхүү удаа дараа тус замд автомашинд хүүхэд, багачууд мөргүүлж гэмтэж байгаа тул явган хүний гарцын хажууд хурд сааруулагч хийхээр болжээ. Тодруулбал, тус газрын нутаг дэвсгэрт дэлгүүр ажиллуулдаг 36 ААН, иргэд нийлж тус замд хурд сааруулагч хийх бөгөөд 4 метрийн өргөн, 7 метрийн урттай дөрвөн ширхэг хурд сааруулагч хийх аж.
