Палестины Хамас бүлэглэл өнгөрсөн бямба гарагийн өглөө 06:30 цагийн үед Израилын нутаг дэвсгэр рүү пуужин харваж дайн өдүүлсэн талаар бид өмнө нь мэдээлсэн.
Мөргөлдөөний улмаас Израилын нутагт 700 гаруй, хариу довтолгооны үеэр Газад Палестины 400 гаруй хүн амь үрэгдсэн байна.
Тус улсад одоогийн байдлаар манай улсын 200 гаруй иргэн амьдардаг аж. Монгол иргэдтэй Анкарад суугаа Элчин Сайдын Яамнаас холбоотой ажиллаж байгаа талаар ГХЯ-наас мэдээллээ.
Холбогдох яамнаас гаргасан мэдэгдэлд "Одоогоор үүсээд байгаа нөхцөл байдлын улмаас хохирсон монгол иргэн байхгүй. Тус улсад онц байдал зарлаж нийтийн тээвэр, дэлгүүр, албан байгууллагууд ажиллахгүй, энгийн иргэдийг гэрээсээ гарахгүй байхыг зөвлөж байгаа. Аюулгүй байдлын үүднээс томоохон авиакомпаниуд нислэгүүдээ цуцалж, хойшлуулж байна. Иймд тус улсад оршин суугаа иргэддээ оршин суугаа газраасаа гарахгүй, олон нийтийн газраар зорчихгүй байх, Израилийн талын холбогдох байгууллагаас энгийн иргэдэд өгч буй зөвлөмж, анхааруулгыг чанд даган мөрдөж, анхаарал болгоомжтой байхыг анхааруулж байна" гэжээ.
