УИХ-ын гишүүн Б.Дэлгэрсайхан Дорноговь аймагт үүсээд байгаа асуудлын талаар мэдээлэл өглөө.
Тэрээр “ Дорноговь аймагт камерын шинэчлэл хийх нь нэн тэргүүний асуудал болоод байна. Энэ жилийн Сайншанд сумын төсөвт 130 орчим сая төгрөг тавьсан боловч ажлаа хийгээгүй байгаа юм. Өмнө нь Замын-Үүд дээр БНХАУ-ын буцалтгүй тусламжаар камер тавиулахаар яриад байсан боловч тухайн үеийн ҮАБЗ-ийн дарга Гансүх тавиулахгүй гэж зүтгэсээр байгаад энэ тусламж буцсан юм. Тухайн үед хэрвээ буцалтгүй тусламжаар энэ ажлыг хийсэн бол... Энэ ажилд улс төржсөн тээг саад их байсан.
Дорноговь аймагт хүүхэд хамгааллын чиглэлээр олон ажил хийгдэж байгаа. Тухайлбал, багшаас эцэг эхийн гарт ч гэдэг юм уу.
Миний хувьд энэ хэргийн талаар байнга мэдээлэл авч байна. Сэжигтнийг өчигдөр орой Цогтцэций сумын гуанзнаас барьж авсан. Одоогийн байдлаар газраа зааж өгнө гээд цагдаагийн бие бүрэлдэхүүнтэй сэжигтэн хамт явж байна. Өнөө өглөө би зардлыг нь төлөөд Онцгой байдлаас нисдэг тэрэг авч, ажиллагаа явуулж байгаа. Мөн онц хүнд гэмт хэрэгтэй тэмцэх газраас бие бүрэлдэхүүн гараад ажиллаж байна.
Би бол хуульч хүн. Ийм төрлийн гэмт хэрэгтнүүдийг цаазаар авах ёстой гэж боддог. Энэ сэжигтэн өмнө нь бага насны хүүхэд хүчиндсэн хэргээр Авдрантын хориход 12 жил суусан нөхөр байна билээ” гэсэн мэдээлэл өглөө.
