Нийслэлийн төв талбайд дэлгэж үзүүлсэн “ногоон автобусны” дуулиан дэгдэж тав хонож байна. Энэ хүрээнд АТГ, ЭЦА-наас автобус нийлүүлэх тендэрт "Хулхи ногоон"-ы эзэн "Тэнүүн-Огоо"-г шалгаруулсан албан тушаалтануудыг шалгаж эхлээд буй.
Тухайлбал, "Тэнүүн-Огоо" ХХК-ийн захирлууд, НХААГ-ын хоёр ажилтныг саатуулаад байсан. Мөн Нийслэлийн ЗДТГ-ын дарга И.Баатархүү, Худалдан авах ажиллагааны газрын дарга Г.Энхтайван нарыг ЭЦА-ныхан байцаалт авсан.
Тэгвэл "Ногоон автобус"-ны хэрэгт хутгалдан хуулийн байгууллагад шалгагдаж байгаа Нийтийн тээврийн газрын дарга С.Жавхланбаатар шалгагдах үеэрээ өөрийгөө хутгалжээ.
Тодруулбал, хуулийн байгууллагад шалгагдах үеэр буюу гэрт болон албан өрөөнд нэгжлэг хийх үеэр өөрийгөө хутгалж, эмнэлгийн байгууллагад хүргэгдсэн бөгөөд одоогоор биеийн байдал сайн байгаа гэнэ.
Ташрамд дурдахад, Нийслэлийн авто замын түгжрэл хариуцсан Үндэсний хорооны дарга Ж.Сүхбаатар сайд сайн дураараа чөлөөлөгдөх хүсэлтээ өгсөн боловч түүний асуудлыг хэлэлцэхээс өмнө хотын дарга Д.Сумьяабазар албан тушаалаасаа өөрийн хүсэлтээр буучихсан билээ.
