Эрчим хүчний сайд Б.Чойжилсүрэн салбарын нөхцөл байдал, цаг үеийн асуудлаар мэдээлэл өглөө. Тэрээр "Дорнодын цахилгаан станцын ажлыг дуусгахад шаардлагатай 36 тэрбум төгрөгийн санхүүжилт суусан. Мөн Амгалан дулааны станцыг 2024 оны нэгдүгээр сард ашиглалтад орох байх. Баруун аймгуудын дулааны цахилгаан станцуудыг хийх ажил үргэлжилж байна. Нийт 600 орчим тэрбум төгрөгийн өртөгтэй төсөл 2024 оны төсөв дээр суусан.
Эрчим хүч, дулааны үнийг зах зээлийн зарчимд нь шилжүүлэх тухай удаа дараа ярьсан. Магадгүй 2024 оны эхний хагасд эдийн засаг болон иргэдийн орлого тогтворжвол эрчим хүчний үнийг нэмэгдүүлэх тухай ярьж таарна. Энэ бол нэмэгдэхээс аргагүй асуудал. Гэхдээ цар тахал, дайны дараа иргэдийн орлого нэмэгдээгүй байгаа учир шууд өсгөх нь эрсдэлтэй гэж үзэж байгаа. Нэгдүгээр сарын 1-нээс нэмэх тухай асуудлыг Засгийн газарт танилцуулсан. Гэхдээ иргэдийн орлого баталгаажсаны дараа нэмэх нь зүй гэж үзсэн.
Энэ өвөл сэтгэл тайван байж болно. 110 мвт-ын нөөц гарна гэж тооцоолсон.
Энэ өвөл 31.7 тэрбум төгрөгөөр нийслэлийн бондоор 24.500 тонн хагас кокс оруулж ирээд 12 сарын 15-наас 2 дугаар сарын 1 хүртэл Нисэх, Яармаг, Налайх, Дархан-Уул аймаг, Багануур дүүрэгт туршилт хийх гэж байгаа. Сайжруулсан түлшний нөөц хангалттай байгаа." гэв.
