Нүүрсний гэж тодотгоод байгаа ЭТТ-н Б.Ганхуяг, УИХ-ын гишүүн Т.Аюурсайхан нарын 11 хүнд холбогдох эрүүгийн хэргийн шүүхийн урьдчилсан хэлэлцүүлэг өнөөдөр ахиад эхэллээ. Т.Аюурсайханы өмгөөлөгч нарын зүгээс хэргийг мөрдөн байцаалтад ахин буцаах хэд хэдэн үндэслэл байгааг тайлбарлав.
Өмгөөлөгчийн зүгээс Т.Аюурсайханыг гэмт бүлэглэл байгуулсан гэх зүйчлэлээр ялласан. Гэтэл гэмт бүлэглэл байгуулаад яг ямар хохирол учруулсан бэ гэхээр прокурорын зүгээс тодорхой тайлбар өгдөггүй гэв.
Мөн Т.Аюурсайхан нь брэндийн хувцас оруулж ирдэг, байр түрээслэдэг, хэвлэх үйлдвэр нь ашигтай үйл ажиллагаа явуулдаг, ааваасаа өвлөсөн маркны цуглуулгатай, 437 саяын үнэлгээтэй зүчээ гээд эд хөрөнгөнийхөө эх үүсвэр, баримт, гэрчийн талаар бүхий л мэдээллээ өгсөн ч прокурор шалгахгүй байна.
Мөн Т.Бадамжунайгаас Т.Аюурсайхан, Б.Ганхуяг нарын талаар мэдүүлэг авсан. Т.Бадамжунай мэдүүлэгтээ “Б.Ганхуягийг “ЭТТ” ХК-ийн гүйцэтгэх захирлаар дэмжиж, Ерөнхий сайдад хэлж өгөөч гэсэн хүсэлт тавьсан” гэсэн мэдүүлэг өгсөн байдаг. Гэхдээ түүний мэдүүлэг дэх баримтууд зөрсөн байдаг. Прокурор, мөрдөгчдийн зүгээс асуултыг Т.Аюурсайхан, Б.Ганхуяг нар руу чиглүүлж тавьсан байгаа юм” гэсэн тайлбар өгөв.
