БНХАУ-д саатуулагдсан Д.Наранхүүг эх оронд нь авчирч, нүүрсний хэргээр бусдад авлига зуучилсан, мөнгө угаасан хэргүүдээр яллагдагчаар татан Ш.Раднаасэд, Д.Ариунболд нартай бизнес, найз нөхдийн хамааралтай байсан гэдгээр хэрэг үүсгэн шалгаж байгаа хэмээх мэдээлэл цахим орчин тархсан. Тэгвэл энэ асуудлаар УИХ-ын гишүүн Ш.Раднаасэд цахим хуудастаа мэдэгдэл хийв.
Тэрбээр "Сүүлийн үед нэр бүхий сайтуудаар БНХАУ-д саатуулагдсан Наранхүү гэдэг хүнтэй холбож намайг хамтран нүүрс зөөдөг байсан гэх худал мэдээллийг зохион байгуулалттайгаар түгээж байнаа. Надад энэ хүнтэй холбоотой ямар ч бизнесийн үйл ажиллагаа байхгүй бөгөөд АТГ энэ асуудлаа хурдан шалгаж үнэнийг тогтоож олон нийтэд мэдэгдэнэ үү. Асуудал тодорхой болоод ирэхээр айж сандарсан нүүрсний жинхэнэ хулгайчидад хандаж хэлэхэд надруу чиглэсэн энэ кино зохиол, захиалгат нийтлэлээ одоо зогсоо" гэжээ.
