Өнгөрсөн наймдугаар сард өрх толгойлсон 30 настай эмэгтэй автомашинд мөргүүлж амь насаа алдсан хэрэг гарсан. Хэргийн дараагаар талийгаач эмэгтэйгийн цогцосноос зарим эд эрхтэнг авахыг түүний гэр бүлийнхэн зөвшөөрсөн ч эмч нар зөвшөөрснөөс бусад эд эрхтнийг нь авсан байсан хэмээн маргаан үүсээд байгаа. Мөн эмэгтэйг мөргөсөн жолооч талийгаачийн ар гэрт ямар нэгэн тусламж үзүүлээгүй хэмээн хэвлэлүүдээр мэдэгдээд байсан.
Тэгвэл өнөөдөр талийгаач С.Алунгуаг дайрч амь насыг нь хохироосон жолоочийн өмгөөлөгч Х.Ундрах-Оргил мэдээлэл хийлээ. Тэрбээр,
“2023 оны наймдугаар сарын 6-нд зам тээврийн осол гарч харамсалтай зүйл тохиолдлоо.
Талийгаачийн ар гэрт гүн эмнэлэг илэрхийлье. Өмгөөлөгчийн мэргэжлийн ёс зүйн 18 дугаар зүйлд “Үйлчлүүлэгчийн хэрэг нийтэд илэрхий болсон байвал нийтэд тодорхой мэдээлэл өгч болно” гэж заасны дагуу би өнөөдөр мэдээлэл өгч байна. Зариг.мн сайтын сэтгүүлч Н.Өнөрцэцэг манай үйлчлүүлэгч болон өмгөөлөгч намайг ил худлаар гүтгэж байгаа юм. Миний үйлчлүүлэгч зам тээврийн ноцтой осол гаргасны дараа надаас хууль зүйн туслалцаа авч, тээврийн цагдаагийн мөрдөгчтэй гурван удаа уулзсан.
Нэгдүгээрт, ямар хэрэг болсон талаар уулзсан. Хоёрт, үйлчлүүлэгч мэдүүлэг өгөхөд очсон. Улмаар мөрдөн шалгах ажиллагааны явцтай танилцсан. Бидний талийгаачийн оршуулгын зардлыг өгөхгүй гэж мэдээлсэн. Зам тээврийн осол гарснаас хойш миний үйлчлүүлэгч талийгаачийн ар гэртэй байнга холбогдож, уучлалт хүссэн. Зам тээрийн хэрэгт холбогдсон учраас оршуулгын зардал болон хүүхдүүдэд мөнгөн тусламж үзүүлэх шаардлагатай байна гээд тэтгэврийн зээл авч 10 сая төгрөг бэлдсэн байсан.
Хууль ёсны төлөөлөгч гэх Эрдэнэбаатар гэдэг залууд 10 сая төгрөгийг өгөх гэсэн юм гэж санал тавьсан. Гэтэл тухайн залуу мөнгө авахгүй. Харин хүүхдийн тэтгэвэр тэтгэмж, хашаа байшинг авна гэх асуудлыг ярьсан. Миний зүгээс хэрэг хянан шийдвэрлэх шатанд явж байгаа учраас хүүхдийн тэтгэмжийн асуудлыг ярих боломжгүй гэж хэлсэн. Мөн намайг ална гэж сүрдүүлсэн. Улмаар тээврийн цагдаагийн алба хаагч нарт би тухайн хүнийг хүлээлгэж өгөөд явсан. Үүнээс хойш манай үйлчлүүлэгчийг дарамтлаж, “30 сая төгрөг өг. Мөн автомашиныг чинь авна” гэж хэлсэн гэсэн. Би хохирлоо төлж байгаа бол хуулийн байгууллагын хяналт дор төлбөрөө төлж барагдуулах нь зүйтэй гэсэн зөвлөгөө өгсөн. Би өчигдрийн хэвлэл мэдээллээр ярьсан ах нартай нь бол нүүр тулж уулзаж байгаагүй. Хууль ёсны төлөөлөгч гэх Эрдэнэбаатар гэдэг хүнтэй уулзаж 10 сая төгрөг өгнө гэсэн боловч авахгүй гэсэн. Эд материалын туслалцаа бол үзүүлсэн. Хэрэг болох явцад талийгаач фэйсбүүкээр танилцсан найзуудтайгаа уулзаад үйлчилгээний газраар үйлчлүүлээд гарч явсан юм билээ. Улмаар гарцгүй газар зам руу гүйж, араас нь найзууд нь барьж авахын завдалгүй ийм хэрэг болсон байсан. Мөн дээр нь намайг "Хагарсан гэрэл төлж өг" гэж сүрдүүлсэн хэмээн гүтгэж байна. Хагарсан гэрэл байхгүй. Тиймээс ажил хэргийн нэр хүндэд халдсан үндэслэлээр би хуулийн байгууллагад гомдол гарган шалгуулах хүсэлтээ өгч байгаа юм” гэлээ
Талийгаач нь тухайн өдөр Фэйсбүүкийн шинэ найзуудтайгаа уулзаж, архидан согтуурч байгаад гарахдаа гарцгүй газраар зам хөндлөн гүйж, осолд орсон.
Түүнчлэн Н.Өнөрцэцэг сэтгүүлчийн ярьж байгаагаар автомашины гэрэл хагарсан. Түүнийг төл гэсэн мэдээлэл ярьсан. Яав ч ийм зүйл байж болохгүй. Хүний амь нас хохирсон байхад ийм ёсзүйгүй байна гэж байхгүй. Машины гэрэл огт хагараагүй. Баримт нь байна" гэв.
