Засгийн газрын ээлжит хуралдаанаас гарсан зарим шийдвэрийн талаар танилцуулж байна. Тодруулбал ХХААХҮ-ийн сайд Х.Болорчулуун энэ жилийн ургац сайн байгааг мэдээллээ.
2023 оны ургацын урьдчилсан баланс мэдээлэл болон стратегийн нөөц бүрдүүлэх талаар хэлэлцжээ. Энэ жилийн ургац сайн байгаа гэв. Тэр дундаа үр тариа 500 мянган тонн, улаан буудай 480 мянган тонн хураахаар байна. Улаан буудайн хувьд 14 мянган га талбайн ургац мөндөрт цохиулжээ. Сүүлийн 10 жилд ийм ургац гараагүй бөгөөд гаднаас импортоор будаа авахгүйгээр гурилынхаа будаагаар дотоодын хэрэгцээг 100 хувь хангах боломжтой.
Төмсийг мөн дотоодоос бүрэн хангана, хүнсний ногоог 165 мянган тонн хурааж авахаар байна. Мөн 1990-ээд оноос хойш анх удаа хүнсний ногооны хангамж сайн байгаа ба 82 хувь даваад байна гэв. Ирэх жилүүдэд 100 хувь хангаж гаднаас ногоо авах шаардлагагүй болно.
Стратегийн хүнс болох сүү, гурил, улаан буудай, усны нөөцийг бүрдүүлэх тогтоол гарсан ба нийслэл орон нутгийн удирдлагуудад үнийг тогтвортой, нийлүүлэлтийг хэвийн байлгах үүрэг өгсөн.
