“Парис 2024” олимпын наадамд оролцох Монголын баг тамирчдын хувцсыг "Ханбогд кашмер" ХХК хийхээр болсон гэж Монголын үндэсний олимпын хороо мэдээллээ.
Монголын үндэсний олимпын хороо, "Ханбогд кашмер" ХХК хооронд байгуулсан гэрээний хүрээнд “Канвон 2024” залуучуудын өвлийн IV олимп болон “Парис 2024” зуны XXXIII олимпын наадамд оролцох Монголын баг тамирчдын хувцасны загварыг урлаж, 620 гаруй сая төгрөгийн өртөг бүхий ёслолын иж бүрэн хувцсаар ивээн тэтгэх юм.
Тус компани нь "Токио 2020” олимпын наадмаас эхлэн МҮОХ-той хамтран ажиллаж эхэлжээ.
