Цахим хуудаст орон сууцны лифтэнд нэгэн иргэн бусдыг цохиж, биед нь халдаж буй бичлэг нийтлэгдсэн.
Тэгвэл энэ талаар ЦЕГ-аас тодруулахад, "Лифтэнд бусдын биед халдаж буй талаар дуудлага мэдээлэл цагдаагийн байгууллагад бүртгэгдээгүй.
Олон нийтийн сүлжээнд нийтлэгдсэн бичлэгийн дагуу мөрдөн шалгах ажиллагааг эхлүүлсэн. Зөрчлийн хэрэг нээж шалгана. Эхний ээлжид тухайн бичлэг дээрх үйл явдал Монголд эсэхийг тодруулахаар холбогдох хэлтсүүдээс тодруулж байна. Үүний дараагаар он, сар, өдөр, нутаг дэвсгэр тодорхой болсноор бусдын биед ямар шалтгаанаар халдсан талаарх мэдээллийг хохирогч болон тухайн эмэгтэйгээс авч байж хэрэг бүртгэл шалгалтын ажил явагдана" гэв.
Дээрх тохиолдолд холбогдох хэрэг бүртгэлийг нээж, гэм буруутай этгээдэд хариуцлага тооцдог байна." гэв.
