Бөөр чулуужих өвчин нь хувь хүний амьдралын буруу хэв маягаас шалтгаалж үүсдэг.
Сүүлийн жилүүдэд энэ төрлийн өвчлөл нэмэгдсэн. Тухайлбал, УХТЭ-ийн Яаралтай тусламжийн төвд хоногт 2-3 хүн ирж байна.
Зарим хүн дархлаагаа дэмжих гэж кальци, витамин, хүнсний нэмэлт бүтээгдэхүүнийг дур мэдэн хэрэглэх болсон. Энэ нь бөөрний чулуу үүсэх шалтгаан болж байна. Энэ өвчлөлөөс урьдчилан сэргийлэхийн тулд амьдралын зөв хэвшилтэй байх хэрэгтэй гэж УХТЭ-ийн Бөөрний мэс заслын тасгийн эрхлэгч А.Ханхонгор хэллээ.
