Өчигдөр буюу 9 дүгээр сарын 05-ны өдөр Дорнод аймгийн харьяат иргэн Б нь Богдхан уулын дархан цаазат газарт тарваганд урхи тавьж, агнажээ. Иргэний үйлдийг Байгаль хамгаалагч С.Батбаатар газар дээр нь саатуулж, Экологийн цагдаагийн албанд шилжүүлээд байна.
Зөрчлийн тухай хуульд “Тарвагыг хууль бусаар агнасан, тээвэрлэсэн, худалдсан, худалдан авсан бол иргэнийг 300 мянган төгрөгөөр, аж ахуйн нэгж, байгууллагыг гурван сая төгрөгөөр торгож, бодгаль тус бүрийн экологи, эдийн засгийн үнэлгээгээр нөхөн төлбөрийг хоёр дахин нэмэгдүүлж тооцно” гэж заасан байдаг.
Харин Эрүүгийн хуулийн 24.5 дугаар зүйлд заасны дагуу “Улсын тусгай хамгаалалттай газар нутгаас ан агнуур зөвшөөрөлгүйгээр хийсэн бол 5-27 мянган нэгжээр торгох, 1-5 жилийн хорих ялаар шийтгэх, мөн зорчих эрхийг хязгаарлах хариуцлага хүлээлгэдэг” байна.
