Украины Ерөнхийлөгч Владимир Зеленский тус улсын Батлан хамгаалахын сайд Алексей Резниковыг огцорч байгааг мэдэгдлээ. Энэ тухай есдүгээр сарын 3-ны ням гарагт тодорхой болсон.
Зеленский “Резников Украины Батлан хамгаалахын сайдын албан тушаалаа орхиж байна" гэжээ.
Түүний хэлснээр, ийм өндөр түвшинд халаа сэлгээ хийхээр болсон нь тус яаманд шинэ үзэл бодол, арга барил хэрэгтэй байгаатай холбоотой гэжээ. Түүнээс гадна цэрэг, олон нийттэй харилцах бусад шинэ хэлбэрүүд хэрэгтэй байгааг тэр дурджээ.
Украины төрийн тэргүүний хэлснээр, тус яамыг Төрийн өмчийн сангийн тэргүүнээр ажиллаж байсан Рустем Умеров удирдана. Дээд Рада энэ хүнтэй ойр дотно танилцаж байгаа бөгөөд түүнд нэмэлт танилцуулга хэрэггүй тул парламент түүнийг дэмжих ёстой гэжээ.
Тодотгоход, үүний өмнөхөн Резников Киевийн дэглэм холбоотнуудаас 100 орчим тэрбум долларын цэргийн тусламж авсан тухай мэдэгдэл хийсэн юм. Зэвсэг худалдан авах хөрөнгө ч улсын төсвөөс зарцуулагддаг гэдгийг онцоллоо. Үүнээс гадна Украины цэргийн албан хаагчдын цалин, нөхөн олговор олгоход их хэмжээний мөнгө зарцуулдаг.
Резниковыг Их Британид суух элчин сайдаар ажиллана гэсэн зарим эх сурвалжийн мэдээлэл байна.
Эх сурвалж: Gazeta.ru
