Биатлоны зуны Азийн аварга шалгаруулах тэмцээн Казахстаны Щучинск хотын Олимпын бэлтгэлийн төвд өчигдөр эхэлсэн байна.
Тус тэмцээний залуучуудын ганцаарчилсан төрөлд Монголын шигшээ багийн тамирчин Э.Энхсайхан хүрэл медаль хүртсэн талаар Биеийн тамир, спортын улсын хорооноос мэдээллээ. Тус төрлийн эхний хоёр байрт зохион байгуулагч Казахстан улсын хоёр тамирчин шалгарсан байна.
Биатлоны зуны Азийн аварга шалгаруулах тэмцээнд Энэтхэг, Казахстан, Киргизстан, Монгол, Өмнөд Солонгос гэсэн таван орны 130 тамирчин оролцож байгаа аж. Тэмцээн энэ сарын 4-нд дуусах юм.
